“Fishta një gur i madh në themelet e mendësisë dhe psikosintezës shqiptare”. Kështu e quajti poeti Primo Shllaku Gjergj Fishtën, një ndër ato personalitetet që i përkujtohet përvjetori i lindjes sepse ai rilind vazhdimisht përmes temave të tij të cilat janë më aktuale se kurrë në shoqëri. Nga emisioni “Arnautistan” në MCN TV Shllaku i shqetësuar u shpreh se kanë mbaruar letërsitë që na edukojnë.
“Kanë mbaruar ato letërsi që na edukojnë. Njeriu është produkt i shumë faktorëve dhe jo vetëm që ka qenë gjithmonë kështu, por Fishtën asnjë prej shkrimtarëve që i kanë mbijetuar kohës nuk e kanë këtë atribut. Shqipja për fatin e keq është e pamjaftueshme. Ne nuk kemi një roman dashurie, një “Romeo dhe Zhuljeta”. Për tu njohur me një ndjenjë erotike ne duhet të lexojmë përkthime. Kultura shqipe ishte shkretëtirë me bimësi një këtu e një atje. Fishta është një gur i madh, ciklopik në themelet e mendësisë dhe psikosintezës shqiptare”, tha Shllaku.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
