Zv/sekretari amerikan i Shtetit Gabriel Escobar i cili është i dërguari për Ballkanin Perëndimor do të vizitojë sot Shqipërinë.
Parashikohet që Escobar të ketë tre takime kryesore, me kryeministrin Edi Rama, ministren e Jashtme Olta Xhaçka dhe kreun e PD-së, Lulzim Basha.
Ai do të zhvillojë fillimisht një takim me kryetarin e PD Lulzim Basha në orën 11:30.
Në orën 14:30-15:00 do të takohet me ministren e Jashtme Olta Xhaçka dhe me kryeministrin Edi Rama në orën 17:00.
Vizita e Gabriel Escobar, vjen në kuadër të një turi rajonal që ai po mban, ndërkohë që disa qarqe politike e lidhin këtë vizitë të diplomatit të lartë amerikan me faktin se vjen dy ditë përpara se Sali Berisha, i shpallur non grata nga DASH mbledh Kuvendin Kombëtar të PD-së.
Diplomati ishte këtë hënën në Shkup, ku tha se SHBA-ja mbështet fuqishëm integrimin e Maqedonisë së Veriut në Bashkimin Evropian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
