Në Alessandria të Italisë, vdekja e një 83-vjeçari është bërë shkak për nisjen e hetimeve nga prokuroria. Dyshimet janë se i moshuari ka ndërruar jetë si pasojë e meningjitit të shkaktuar nga listeria. Hetimi u hap pasi rasti në fjalë ishte paraprirë nga tre të ngjashme midis dhjetorit 2021 dhe qershorit 2022 në Lombardi, Piemonte dhe Emilia-Romagna.
Sipas mediave italiane, i moshuari kishte ngrënë salsiçe dhe pasi ka përfunduar në spital, situata e tij është komplikuar akoma më tej.
Kontrollet e kryera nga grupi i punës i ngritur nga Ministria e Shëndetësisë për të trajtuar përhapjen e bakterit, në fakt kishin zbuluar një korrelacion midis disa prej rasteve klinike dhe pranisë së llojit Listeria ST 155 në ëurstel bazuar në mish pule prodhuar nga kompania bujqesore Tre Valli - IT 04 M CE. Prania u konfirmua edhe nga kampionimi i kryer në uzinë. Siç njofton Ministria e Shëndetësisë, tërheqja e produkteve ushqimore nga operatorët kishte ndodhur ndërkohë që kompania nisi të gjitha masat për mbrojtjen e konsumatorit me tërheqjen e grupeve që rezultuan pozitive (1785417 dhe 01810919)
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
