Deputeti Aldo Bumçi thotë se PD-ja është e vendosur të vijojë protestën paqësore. Nga rrethrrotullimi i Milotit, ku Bumçi drejton protestën e demokratëve të Veriut, ai u shpreh se qytetarët protestojnë kundër asaj që ai e quajti qeveria më e keqe e 27 viteve të fundit.
Fjala e Bumçit
Jemi të vendosur të vazhdojmë protestën paqësore. Forcat e rendit nuk na kanë provokuar. Pjesëmarrja është shumë e mirë, edhe pse protestuesit vijnë nga zonat e largëta. Filmimet nga policia janë shkelje e ligjit.
Bllokimi i rrugës nuk është i paligjshëm, pasi protestat bëhen në bulevarde, rrugëve dhe shesheve. Kemi parë në Europë që qytetarët bllokojnë edhe hekurudhat. Nëse është problem bllokimi i rrugëve, çfarë mund të themi për bllokimin e të ardhmes së vendeve. Ne kemi pasur azilkërkues më shumë se Siria.
Kjo është qeverisja më e zezë dhe më kriminale që ka parë Shqipëria në 27 vjet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
