Ardian Hoxha ka kërkuar vullnet politik nga qeveria shqiptare për të zbuluar se ku janë eshtrat e babait të tij, Remzi Hoxhës. Në një intervistë për Tema Tv ai pohon se vullneti nga deputetet e Partisë socialiste ishte pozitiv pas kërkesës së tij, teksa u shpreh se pas dy vjetësh është koha që Edi Rama ta tregojë me vepra se qeveria shqiptare është e gatshme ta hetojë këtë çështje. I biri i biznesmenit shqiptaro-maqedonas u ka dorëzuar deputetëve të kuvendit të Shqipërisë dhe kryetarit të kuvendit një letër në të cilën u bën thirrje ligjvënësve shqiptarë që të angazhohen për gjetjen e trupit të babait të tij, zhdukur 20 vite më parë. Ai shprehet se ka besim se e vërteta do të zbardhet dhe se kjo zvarritje ka ndodhur për shkak se për gjithë këto vite është penguar drejtësia, pasi ligjet kanë ekzistuar edhe më parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
