Kryeministri Avdullah Hoti ka anuluar vizitën në Washington, pasi Gjykata Speciale dje ngriti aktakuzë ndaj presidentit të vendit Hashim Thaçi dhe kreut të PDK-së, Kadri Veseli.
Për shkak të akuzës, Thaçi menjëherë anuloi vizitën në Washington, ku për 27 qershor ishte paraparë takimi me krerët e Serbisë.
“Për shkak të zhvillimeve të reja në Prishtinë si rezultat i akuzave të dorëzuara nga Zyra e Prokurorit të Specializuar, më duhet të kthehem në Prishtinë për t'u marrë me situatën. E kam njoftuar Ambasadorin Grenell se nuk mund të marrë pjesë në takimin e datës 27 qershor në Shtëpinë e Bardhë”, ka njoftuar Hoti në rrjete sociale.
Kryeministri Hoti ndodhet në Bruksel, ku për sot ishte paraparë të ketë takime me zyrtarë të Bashkimit Evropian, e më pas nga aty, planifikonte të nisej për Washington.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
