Policia e Krujës ka zbuluar dy parcela me kanabis në fshatin Nikël. Në pranga ka përfunduar një 38-vjeçar, ndërsa është shpallur në kërkim kushëriri i tij. Po ashtu, ka nisur procedimi penal në gjendje të lirë në ngarkim të tre shtetasve, një prej të cilëve me detyrë kryetar i fshatit Verjon dhe një tjetër inspektor mjedisi.
Njoftimi i policisë
Specialistët për Krimet në Komisariatin e Policisë Krujë, në vijim të zbatimit të planit të masave për kontrolle në sera dhe vende të tjera të mundshme për kultivimin e fidanëve dhe farave të bimëve narkotike Cannabis Sattiva, gjatë kontrollit të ushtruar në vendin e quajtur ana jugore e kodrës së Verjonit, Nikël,Krujë, në dy parcela kanë gjetur të kultivuara dhe sekuestruar në cilësinë e provës materiale 300 bimë narkotike të dyshuara të llojit Cannabis Sattiva. U arrestua në flagrancë shtetasi Flamur Tufa 38 vjeç, banues në Krujë.
Gjithashtu është shpallur në kërkim dhe po punohet për kapjen e shtetasit: P.T. 46 vjeç, banues në Kurcaj, Krujë, kushëri me shtetasin Flamur Tufa. Gjithashtu, filloi procedimi penal në gjendje të lirë, në ngarkim të shtetasve: S.T. 76 vjeç, banues në Bura, Krujë, për veprën penale”Moskallëzim krimi”;kushëri me shtetasit Flamur Tufa dhe P.T.; H.B. 58 vjeç, banues në Bodull, Krujë; me detyrë inspektor i pyjeve dhe Mjedisit pranë Bashkisë Krujë, për veprën penale "Shpërdorim detyre”; H.D. 71 vjeç, banues në Verjon, Krujë, kryetar i fshatit Verjon, për veprën penale”Shpërdorim detyre”. Arrestimi i shtetasit Flamur Tufa dhe shpallja në kërkim e shtetasit P.T.u bë pasi, dyshohet se në bashkëpunim me njëri-tjetrin kanë kultivuar bimë narkotike Cannabis Sattiva, të gjetura dhe sekuestruara në fshatin Bura, Nikel, Krujë. Gjithashtu, nga kontrolli i ushtruar në banesën e shtetasit Flamur Tufa u gjetën dhe sekuestruan në cilësinë e provës materiale mbetje të dyshuara të lëndës narkotike të llojit kanabis sativa. Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale:
"Kultivimi i bimëve narkotike"dhe”Prodhimi dhe shitja e narkotikëve”në bashkëpunim, në ngarkim të shtetasve Flamur Tufa dhe P.T. parashikuar në nenet 283, 284, 25 të Kodit Penal.
"Shpërdorimi i detyrës" në ngarkim të shtetasve H.B. dhe H.D. parashikuar në nenin 248 të Kodit Penal.
"Moskallëzim krimi" në ngarkim të shtetasit S.T. parashikuar në nenin 300 të Kodit Penal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
