Koreja e Jugut përdor inteligjencën artificiale për të vlerësuar peshën e Kim Jong Un

Zyrtarët e Koresë së Jugut kanë përdorur inteligjencën artificiale për të vlerësuar peshën e liderit të Koresë së Veriut, Kim Jong Un.

“Ai dukej i lodhur me rrathë të errët rreth syve gjatë paraqitjes së tij publike më 16 maj dhe u vlerësua se peshonte mbi 140 kg sipas analizës së Inteligjencës Artificiale”, tha Yoo Sang-bum, një anëtar i komisionit parlamentar të inteligjencës, pas një konference nga Shërbimi Informativ Kombëtar.

Ai nuk tha se çfarë softuerësh ishin përdorur, por shtoi se udhëheqësi i Koresë së Veriut besohet se vuante nga një çrregullim “i rëndë” i gjumit, duke cituar një raport të inteligjencës së Koresë së Veriut ka mbledhur intensivisht informacionin më të fundit mjekësor mbi trajtimin e pagjumësisë për kryesinë e saj zyrtare.

Agjencia e spiunazhit të Koresë së Jugut po monitoron mundësinë që Kim Jong Un të bjerë në një “rreth vicioz” të rritjes së varësisë nga alkooli dhe nikotina dhe të përjetojë përkeqësim të pagjumësisë duke pasur parasysh sasinë e madhe të cigareve dhe ushqimeve të huaja që dërgohen në vend.

Ka pasur spekulime gjatë viteve për shëndetin e tij, i cili është një sekret shtetëror i ruajtur hermetikisht, siç është data e lindjes së tij, teksa ai besohet të jetë 39 vjeç.

Humbja e tij në peshë disa vite më parë kishte ngjallur disa spekulime se mund të ishte për shkak të shëndetit të keq.

Megjithatë, fotografitë e tij duke ekzaminuar një satelit spiun ushtarak me vajzën e tij muajin e kaluar duket se tregojnë se ai ka shtuar peshë. Lideri trashëgues i gjeneratës së tretë erdhi në pushtet pasi babai i tij Kim Jong Il vdiq në vitin 2011 nga një atak në zemër.