Presidenti i Shteteve të Bashkuara, Donald Trump ka zgjedhur gjeneralin, Mark Milley në postin e shefit të Shtabit të Përgjithshëm të ushtrisë amerikane, duke i dhënë presidentit një mundësi për të lënë gjurmët e tij në ushtrinë amerikane duke zgjedhur oficerin e saj të lartë, shkruan "Washinton Post"..
Milley, që ka shërbyer si shef i Ushtrisë në tre vjetët e fundit, është emëruar për të zëvendësuar gjeneralin Joseph Dunford, ka njoftuar Trump përmes një postimi në Twitter.
“U jam falënderues këtyre dy burrave të mrekullueshëm për shërbimin e tyre për vendin. Data e tranzicionit do të vendoset”, ka shkruar Trump.
Milley, 60-vjeç, ka studiuar në Universitetin Priceton. Ai ka shërbyer në Irak dhe Afganistan.
Dunford është ish-komandanti i Marinës amerikane dhe komandant i koalicionit të trupave në Afganistan. Mandati i tij në pozitën e shefit të Shtabit të Përgjithshëm zyrtarisht përfundon më 1 tetor, 2019.
Shtabi i Përgjithshëm përbëhet nga krerët e Forcave Ajrore, Trupave Detare, Marinës dhe Gardës Kombëtare.
Emërimi i Milley do të duhet të konfirmohet nga Senati, i cili nuk ka gjasa të mbajë seanca dëgjimore për të, ose për kandidatët e sapo-shpallur përpara Senatit të ri të mbajtur më 3 janar.
Kryetari i Shtabit të Përgjithshëm mbikëqyr operacionet ushtarake globale dhe është këshilltari kryesor i presidentit për çështjet ushtarake.
Një veteran i luftërave në Irak dhe Afganistan, Milley si Shefi i Ushtrisë përkrahu një plan për të krijuar njësi të specializuara për të trajnuar forcat lokale në Afganistan. Ai gjithashtu ka punuar për të përmirësuar gatishmërinë e Ushtrisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
