Kreu i opozitës Lulzim Basha të enjten pas takimit që pati me artistët u shpreh se shembja e Teatrit Kombëtar është një akt lufte. Basha u bëri thirrje gjithë demokratëve dhe mbështetësve të opozitës që të reagojnë, pasi Teatri është vija e kuqe.
Basha tha se aktorët do të mbështeten me të gjitha format dhe mënyrat, duke deklaruar se afera e Teatrit është afera e radhës së një qeverie në ikje.
“Kur shqiptarët presin dhe kërkojnë mbështetjen nga shteti dhe taksat që kanë paguar në 7 vite t’ju kthehen në shërbime dhe paga, në kohën e pandemisë, banda e Edi Ramës sulet për të vjedhur pronën publike, për të shkatërruar këtë pasuri të kulturës dhe trashëgimisë së Shqipërisë”, tha Basha.
Ai u shpreh se mesazhi është i qartë, edhe në kohë pandemie këta e kanë mendjen për të vjedhur.
Sipas tij, më shumë se 2 vite e gjysmë, Aleanca për Teatrin është përballur me dhunë. Për kreun e opozitës, ata nuk po mbrojnë diçka që i takon atyre, por gjithë qytetarëve.
“Çdo hap për prishjen e Teatrit është një akt i pastër lufte ndaj qytetarëve dhe artit. Përgjigja nuk i takon vetëm artistëve. Prandaj unë u bëj thirrje të gjithë demokratëve dhe të gjithë mbështetësve të opozitës, të gjitha at që janë në pasiguri për jetën që ta kuptojnë që Teatri është vija ë kuqe me pushtetin që u ka vjedhur dhe lënë pa rroga e pa bukë për fëmijët, që nga nxjerrë zbuluar shtetin për kartoni që u merr taksat dhe u vë gjoba, dhe u jep oligarkët”, theksoi Basha.
Sipas tij, nëse ky pushtet do t’i shkojë deri në fund marrëzisë për ndezjen e zjarrit te Teatri ta presin popullin te çdo institucion i uzurpuar, në Surrel dhe në qendrat tregtare dhe objektet luksoze të oligarkëve të lidhur me krimin e organizuar.
Basha theksoi se akti i luftës do të ketë përgjigjen e merituar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
