Ukraina është zgjuar mëngjesin e kësaj të shtune me shpërthime të fuqishme. Sipas autoriteteve lokale, shpërthime ka pasur në qytetet Nikolaev, Dnipro dhe Kropyvnytskyi.
Sipas një kanali Telegram të drejtuar nga autoritetet lokale, sistemi i mbrojtjes ajrore të Dnipro u aktivizua me sukses.
Nuk është e qartë se sa shpërthime goditën Dnipro, por autoritetet shtuan se ata po prisnin të dëgjonin zyrtarisht përgjigjen nga ushtria.
Sakaq, sulme ka pasur në orët e para të mëngjesit edhe në Kiev. Një depo e magazinimit të ushqimit të ngrirë në rajonin e Kievit mori flakë të shtunën si pasojë e granatimeve, sipas një postimi nga Shërbimet Shtetërore të Emergjencave të Ukrainës (SES). Deri më tani nuk raportohet për viktima.
Nga ana e tij Presidenti Volodymyr Zelensky thotë se forcat ruse kanë rrëmbyer Ivan Fedorov, kryebashkiakun e Melitopol.
Pamjet e shpërndara nga zyrtarët në zyrën presidenciale duket se tregojnë disa të armatosur që shoqërojnë një kryebashkiak nga një ndërtesë në qendër të qytetit.
Parlamenti i Ukrainës thotë se një çantë ishte vendosur mbi kokën e Fedorovit, ndërsa Ministria e Punëve të Jashtme ka paralajmëruar se rrëmbimi përbën një krim lufte.
Zelenskyy e barazoi rrëmbimin me veprimet e “terroristëve të ISIS” dhe tha se forcat ruse “kanë kaluar në një fazë të re terrori”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
