Ish-kryeministri Sali Berisha kundërshton nismën e fundit të qeverisë Rama për legalizimin e kanabisit mjekësor. Berisha thotë se ky vendim legalizon krimin dhe drogën në vendin tonë, duke shtuar se do të shkelmohet reputacioni i Shqipërisë. Po ashtu ish-kryeministri theksoi se ky vendim do të dëmtojë procesin e integrimit në BE.
Jam këtu për vendimin absolutisht të dëmshëm për shqiptarët që Rama po merr për legalizimin e kanabisit. Ky vendim, është vendim për legalizimin e krimit, drogës, vrasjeve, drogimin e të rinjve, të popullatës, rrënimin e shëndetit fizik dhe mendor, si dhe të identitetit të shqiptarëve, reputacionit të tyre. Jam i vetëdijshëm që vaji i kësaj bime apo nënprodukte, përdoren për lehtësimin e disa rrethanave, ankthit, dhimbjeve, dhe rrethanave të tjera. Në këtë kontekst nuk kam kundërshti. Por studimet e gjëra të universiteteve më prestigjioze të botës, kanë faktuar se kanabisi krijon probleme serioze strukturore dhe në procese të trurit. Kanë faktuar se është i dëmshëm për zemrën dhe qarkullimin e gjakut. Ka lëndë kimike me efekte anësore në tru.
Të legalizosh kanabisin në Shqipëri, vend i etiketuar si Kolumbi e Evropës, apo kanabistan, do të thotë të shkelmosh reputacionin e këtij vendi. Rama për arsye personale zgjedh kanabisin për ta bërë simbol të shqiptarëve. Është akt i pamenduar, dëmton mundet edhe palcërisht procesin e integrimit të Shqipërisë në BE”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
