Avokati Besnik Muço i denoncuar nga bashkëshortja se ka humbur gjurmët që prej datës 2 nëntor të këtij viti rezulton të jetë nisur nga porti i Durrësit.
Po ashtu vëllai i Muços ka bërë denoncimin në Policinë e Durrësit. Ai ka deklaruar se telefoni i tij rezulton i fikur.
“Kam folur me të paka para se të nisej trageti drejt Italisë”, tha vëllai i avokatit.
Më herët burime për ‘Panorama’ konfirmuan se avokati rezulton të ketë kryer check-in dhe të jetë imbarkuar në tragetin e linjës Durrës-Bari.
Por nuk ka informacion nëse ka zbritur në Bari apo jo.
Po ashtu burimet thonë se do të verifikohen kamerat e tragetit për të parë lëvizjet e personit të zhdukur, si dhe do kërkohet nga autotitetet shqiptare te homologët e tyre kufitarë italianë nëse ka zbritur ose jo në portin e Barit.
Nga ky moment mësohet se policia dhe prokuroria e Durresit nisin zyrtarisht hetimet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
