Ali Ahmeti është së fundmi një tjetër ish-pjestar i Ushtrisë Çlirimtare të Kosovës që është thirrur nga gjykata e Hagës. Ai sqaron se ndryshe nga Thaçi dhe Veseli, për të cilët janë ngritur akt-akuza për krime lufte, do të shkojë në Hagë si dëshmitar, pasi ka qenë themelues i UÇK-së dhe anëtar i shtabit të përgjithshëm.
Në reagimin e bërë në rrjetet sociale Ali Ahmeti thotë se është në dispozicion të tregojë çiltërsinë e luftës çlirimtare të popullit shqiptar përballë gjenocidit të regjimit të Millosheviçit. Gjithsesi ende nuk dihet nëse dëshmia e tij do të jetë në vazhdën e ‘dosjes’ Thaçi e Veseli apo ka të bëjë me një çështje tjetër.
STATUSI NGA ALI AHMETI
"Të nderuar qytetarë,
sundimi i ligjit dhe arritja e drejtësisë së mirëfilltë joselektive, vendore dhe ndërkombëtare, janë synim dhe detyrim i imi i përhershëm në të gjithë veprimtarinë time.
Andaj, ju njoftoj që Dhomat e specializuara të Republikës së Kosovës, gjegjësisht prokuroria speciale e Kosovës, si një nga themeluesit e UÇK dhe anëtar i shtabit të përgjithshëm, më ka ftuar në cilësinë e dëshmitarit dhe pa hamendje kam pranuar ftesën si dhe kam vendosur kontakt konstruktiv dhe bashkëpunues me zyrtarët në Hagë.
Gjithëmonë kam qenë ithtar i drejtësisë joselektive dhe jam në dispozicion të tërësishëm të organeve të drejtësisë për ta dëshmuar çiltërsinë e luftës çlirimtare të popullit shqiptar përballë gjenocidit të regjimit serb të Millosheviçit."
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
