Një avion rus u rrëzua dje në ujërat e Detit të Zi, duke shkaktuar vdekjen e 92 personave që udhëtonin me të. Avioni Tupolev Tu-154 ra pak minuta pasi ishte ngritur nga Soçi për të udhëtuar drejt bazës ushtarake ruse në Latakia, Siri.
Ekipet e shpëtimit gjetën pjesë të avionit në ujërat e Detit të Zi. Në bordin e avionit udhëtonin 64 pjesëtarë të Korit të Ushtrisë ruse, të cilët do të jepnin një concert para trupave ruse të dislokuara në Siri.
Mes tyre ndodheshin edhe 9 gazetarë dhe 8 pjesëtarë të ekuipazhit.
Fillimisht hipoteza e një atentati terrorist u përjashtua dhe u hodhën dyshime për një defekt teknik ose gabim të pilotit. Por në orët e mbrëmjes së ditës së djeshme, Ministria e Transportit njoftoi se po hetohej edhe pista e terrorizmit.
Sipas saj, piloti Roman Volkov ishte ekspert i fushës dhe kishte më shumë se 3 mijë orë fluturim. Ndërsa avioni i tipit Tupolev Tu-154 kishte 33 vjet në përdorim, por funksiononte mirë.
Presidenti Putin e ka deklaruar ditën e sotme ditë zie kombëtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
