Elbasani mori fitoren e parë të sezonit në Kategorinë e Parë, teksa mposhti Vorën me rezultatin 3-2, në ndeshjen e vlefshme për javën e dytë.
Një ndeshje spektakolare, ku u akorduan edhe tre penallti. Vora kaloi në avantazh me Qardakun në minutën e 8-të, ndërsa baraspesha u vendos në minutën e 33-të.
Ishte Telushi që përfitoi nga një gafë e Ruçit, për të shënuar golin e barazimit. Portieri i Vorës, fillimisht e priti penalltinë, ndërsa më pas e dërgoi në portën e tij.
Në minutën e 48-të, ishte Lleshi që përmbysi shifrat në favor të Elbasanit.
Spektakli nuk mungoi as në pjesën e dytë, kur Qardaku barazoi me penallti, ndërsa ishte sërish një 11-metërsh në minutën e 99-të, këtë herë në favor të verdhebluve, që u shndërrua në gol nga Karakaçi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
