Ish deputeti Halit Valteri e ka cilësuar aleancën mes Ilir Metës dhe Sali Berishës si firmat piramidale. Ai tha se ata nuk mund t’ja kthejnë dot asnjëherë demokracinë e premtuar qytetarëve. Sipas tij, vështirësia më e madhe sot, është drejtimi i të djathtëave sot nga një komunist.
Meta-Berisha, janë të dy firma piramidale, Sudja dhe Xhaferri. Të njëjtën gjë që bënë këto firma atëherë atë po bëjnë dhe këta, por a mund ta kthejnë mbrapsht demokracinë këta të dy? A mund të kthejë pas jetën e shqiptarëve? Prindërit tanë kanë punuar gjithë jetën dhe si kanë pasur dot vilat dhe 2-3 makinat e tyre. Ti tani i predikon për drejtësi popullit shqiptar, por s’ka më budallenj. Pra dyshja Berisha- Meta, janë firmat piramidale të kohëve moderne për Shqipërinë.
Më tej ai shtoi se militanti është një qenie që e dëmton vendin sepse duke pasur mendjen top arrin të shkatërrojë të ardhmen, pra sipas tij është qenia më e rrezikshme duke mos kuptuar se po përdoret.
Vështirësia më e keqe është se të djathtët duke u drejtuar nga një komunist kanë një mentalitet super komunist ose me mua ose kundra meje dhe vështirësia më e madhe është përballja me njerëzit për ti mbushur mendjen se si është Shqipëria dhe si duhet të jetë. Militanti është një qenie që e dëmton vendin sepse duke pasur mendjen top arrin të shkatërrojë të ardhmen. Militanti nuk çohet për rritjen e çmimeve, por nëse i thërrasin liderët e tyre çohen direkt. Militanti është qenia më e rrezikshme, përballja me disa militantë që nuk arrijnë të kuptojnë se thjesht përdoren për të mbushur disa salla dhe asgjë më shumë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
