Agjentët e BKH kanë kryer dje për afro 2 orë kontrolle në zonën “Kodra e Diellit”, në pallatin e kryebashkiakut Erion Veliaj.
Gazetari Arsen Rusta bën me dije se janë kryer kontrolle të imtësishme në banesën e një subjekti që ka qenë në SPAK, dhe mësohet se provat i shërbejnë procedimit të nisur për Veliajn.
Aktualisht nuk bëhet me dije emri i personit ndaj të cilit janë kryer kontrolle.
“Dita e djeshme ka qenë e rëndësishme për SPAK-un. Teksa bënte raportimin në KLP, Altin Dumani, nga ana tjetër kishte lënë në detyrë Olsi Dado që me oficerët e hetimit financiar, dhe oficerët e BKH-së ka bindur gjykatën për një mandat kontrolli.
Mcn Live ka mundur të mësojë se pasditen e djeshme për afro 120 minuta në lagjen e njohur si ‘Kodra e Diellit’ të njëjtin pallat me Veliajn janë ushtruar kontrolle të imtësisshme në kërkim të provave.
Bëhet fjalë për të njëjtin procedim ku është bashkiaku, por s’është kontrolluar në banesën e tij, por e një tjetër subjekti që pak javë më parë ka qenë në SPAK. Bëhet fjalë për prova që i shërbejnë procedimit penal të hapur ndaj Veliajt dhe personave të tjerë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
