Është zhvilluar ceremonia e betimit të anëtarëve të rinj të Këshillit të Ministrave.
Përpara Presidentit të Republikës, Bajram Begaj, u betuan pas leximit të formulës së betimit ministra të rinj të qeverisë Rama: Ervin Mete, Ministër i Financave dhe Ekonomisë dhe Delina Ibrahimaj, Ministër i Shtetit për Sipërmarrjen dhe Klimën e Biznesit.
Paraditen e sotme, Kuvendi i Republikës së Shqipërisë miratoi dekretet e dërguara nga Presidenti i Republikës së vendit Bajram Begaj, sa i takon emërimeve të reja.
Ervin Mete u emërua ministër në këtë pozicion me 74 vota pro, 30 kundër dhe asnjë abstenim.
Ibrahimaj tashmë u emërua si ministre e Shtetit për Sipërmarrjen me 73 vota pro.
Të hënën ndërkaq u votuan dekretet për ministrat e tjerë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
