Përplasja e një anijeje në lumin Danub ka rezultuar vdekjeprurëse dhe kapiteni i saj është thirrur në gjyq në Hungari.
Kapiteni nga Ukraina, Yuriy Chaplinsky, akuzohet për "thyerje" të të ashtuquajturit kod të lumit, gjë që ka shkaktuar vdekje të shumta, njofton Euronews.
Vetëm shtatë nga 33 turistët e Koresë së Jugut në bordin e anijes së vogël turistike i shpëtuan përplasjes, ndërkohë dy anëtarë të ekuipazhit hungarez vdiqën gjithashtu.
Trupat e 27 viktimave u gjetën pas javëve të tëra kërkimi. Një person mbetet ende i zhdukur.
Chaplinsky gjithashtu përballet me 35 akuza të tjera, duke përfshirë dështimin për të ndihmuar një person në rrezik. Ai e mohon përgjegjësinë për përplasjen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
