Kryeministri Edi Rama dhe homologu i tij grek, Aleksis Cipras kanë zhvilluar sot një bisedë telefonike. Zyra e shtypit të kryeministrit grek njoftoi se iniciativa për bashkëbisedimin telefonik ka qenë e kryeministrit Rama.
“Të dy liderët kanë nënvizuar rëndësinë e përforcimit të marrëdhënieve dypalëshe për të mirën e popujve dhe të zonës në tërësi”, bëhet e ditur në njoftimin për shtyp të zyrës së kryeministrit grek.
Tsipras ka theksuar se veprimet e kohëve të fundit dhe deklaratat nacionaliste të palës shqiptare po minojnë klimën e besimit të ndërsjellë që është i domosdoshëm për marrëdhëniet dypalëshe.
Në fund, kryeministri i Greqisë theksoi se mbrojtja e të drejtave të minoritetit grek përbën çështjen thelbësore të marrëdhënieve dypalëshe, por është edhe kushti kryesor për ecurinë europiane të Shqipërisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
