Në koordinim me Forcat e Mbrojtjes të Izraelit, Komanda Qendrore e Shteteve të Bashkuara të Amerikës dhe Forca Ajrore Mbretërore Jordaneze kryen një dërgim të kombinuar të ndihmës humanitare në Gaza.
Kjo është bërë e ditur nga Forcat Mbrojtëse të Izraelit.
Javët e fundit, në bashkëpunim dhe koordinim me disa vende si Jordania, Franca, Emiratet e Bashkuara Arabe dhe Egjipti janë shpërndarë më shumë se 450 pako me ushqime dhe ndihma mjekësore përmes 21 pikave ajrore në Rripin e Gazës.
Vetëm të shtunën më 2 mars, tre avionë hodhën 66 pako me rreth 38 mijë vakte në Gaza.
Ndihma është e koordinuar me Jordaninë, e cila, nga ana tjetër, ka kryer fluturime për të shpërndarë ushqime në Rripin e Gazës. Zëdhënësi i Forcës së Mbrojtjes Izraelite, kundëradmirali Daniel Hagari tha:
Ne do të vazhdojmë të zgjerojmë përpjekjet tona humanitare ndaj popullatës civile të Gazës ndërsa realizojmë objektivat tona për të çliruar pengjet tona nga Hamasi dhe për të çliruar Gazën nga Hamasi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
