Trajneri i Kombëtares shqiptare të futbollit, Gianni de Biasi, është nderuar me medalje nga presidenti i Italisë, Sergio Mattarella, për punën e tij në Shqipëri.
Në një ceremoni të zhvilluar në rezidencën e ambasadorit italian në Tiranë, Alberto Cutillo, De Biasit i është dorëzuar “Urdhri i Yllit të Italisë” në gradën kavalier me motivacionin “Për kontributin në forcimin e lidhjeve mes dy vendeve dhe promovimin e imazhit të Shqipërisë në arenën ndërkombëtare dhe interesin për thellimin e njohurive mbi historinë dhe kulturën shqiptare”.
“De Biasi ka bërë histori në futbollin shqiptar, pasi Kombëtarja e vendit të shqiponjave për herë të parë mori pjesë në finalen e Europianit vitin e shkuar. Xhani ia doli ta çonte Shqipërinë në Europë para se këtë ta bënte politika”, tha ambasadori italian, Cutillo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
