Ngërçi politik në Kosovë, Halimi: Kurti duhet t’i japë Limajt postet që kërkon, përsëritja e zgjedhjeve i kushton shumë vendit

<p>Pas konsituimit me shumë debate të Kuvendit të ri të Kosovës, ngërçi vijon të mbetet tek zgjedhja e kryetarit të ri të Kuvendit. Jeton Halimi, analist, tha për MCN TV se Kurti ka shumë gjasa t’i kalojë 61 mandatet që i duhen, pas aleancës me Nismën e Fatmir Limajt. Halimi tha se lideri i Vetëvendosjes duhet të tregojë maturi, në mënyrë që të mos e çojë vendin te përsëritja e zgjedhjeve, të cilat do të kishin kosto të lartë për vendin.</p> <p><a href="https://www.fibank.al/individe/kredi/kredi-konsumatore/kredi-konsumatore-premium" rel="noopener noreferrer" target="_blank"><img alt="Fibank" height="100" loading="lazy" src="https://www.mcntv.al/sites/default/files/fibankv1.gif" width="300"></a></p> <blockquote> <p><em>Shpresoj të ketë një emër më të mirë që është i pëlqyer nga vetë Republika e Kosovës, por edhe nga vetë koalicioni. </em></p> <p><em>Zoti Kurti duhet t’i sigurojë 61 mandate, nuk ka kohë për kalkulime. Me marrëveshjen me Limajn, i ka 60. Edhe deputetja boshnjake pritet të votojë, sepse i është plotësuar një kusht. Mendoj se Kurti duhet t’i kalojë 61 mandate. Nuk ka kuptim që politika e Kosovës të mbetet në ngërç. </em></p> <p><em>Me nenin 90 të Kushtetutës i takon partisë fituese të propozojë kandidatin për kryetar Kuvendi. Nëse nuk votohet krijohet ngërç, por nuk i jepet mundësia partisë së dytë. </em></p> <p><em>Nga kjo situatë nuk përfiton askush. Opozita di të shantazhojë. Nuk duhet ta bëjë këtë. </em></p> <p><em>Nëse nuk zgjidhet kandidati, atëherë do të shihet si e menaxhon Kurti atë situatë. Përsëritja e zgjedhjeve do t’i kushtojë Kosovës shumë. Janë 12 milionë euro, Kosova nuk e ka atë buxhet. </em></p> <p><em>Zoti Fatmir Limaj ka kërkuar postin e kryeparlamentarit dhe besoj se Kurti duhet t’ia japë. Limaj ka kërkuar tri ministri dhe mendoj se zgjidhja më e mirë është t’i jepen. </em></p> <p>&nbsp;</p> </blockquote> <iframe width="560" height="315" src="https://www.youtube.com/embed/qBhyHTyX5Cw?si=VBvmrOlx_7FcdOOf" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>