Ka nisur me përplasje protesta e opozitës para Bashkisë Tiranë.
Protestuesit që kishin dalë në rrugë dhe drejtuesit e makinave janë përplasur me njëri-tjetrin.
Gazetari Mariglen Kume tha në një lidhje me studion e MCN Live se foltorja ku mbahen fjalimet e protestuesve është vendosur në mes të rrugës.
Pati një përplasje mes protestuesve dhe drejtuesve të automjeteve.
Tentuan në fillim disa punonjës të policisë për të larguar protestuesit dhe për të lejuar automjetet që mbeten të bllokuara të lëviznin, por nuk u gjet konsensus me protestuesit.
Foltorja ku flasin personat që janë prezentë, nuk është përballë derës së bashkisë, por ka dalë në mes të rrugës, në shenjë revolte dhe për të dhënë mesazhin se duhet respektuar thirrja e tyre për protesta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
