Dy persona të shumëkërkuar janë kapur në Drimadhë, të akuzuar për mashtrim kompjuterik, të dyshuar për përfitimin e shumave të mëdha monetare nëpërmjet skemave të Call Center-ave.
Në kuadër të operacionit të koduar “Rrjetet”, mesditën e sotme, në zonën e Drimadhës, u kapën shtetasit Granit Pepniika, 29 vjeç, dhe Xhoni Hitaj, 31 vjeç, të shpallur në kërkim.
Shtetasi Granit Pepnika, 29 vjeç, kërkohej pasi, me vendim të datës 30 prill, Gjykata e Tiranës i kishte caktuar masën e sigurisë “Arrest në burg”, si i dyshuar për veprën penale “Mashtrimi kompjuterik”.
Pepnika ishte shpallur në kërkim ndërkombëtar në kuadër të dosjes së bujshme të Call Center-ave, pasi dyshohet se ka mashtruar qindra qytetarë me dëmin financiar 50 milionë euro.
Xhoni Hitaj, 31 vjeç, kërkohej pasi, me vendim të datës 13 prill, Gjykata e Tiranës i kishte caktuar masën e sigurisë “Arrest në burg”, si i dyshuar për veprën penale “Mashtrimi kompjuterik”.
Gjatë kontrollit të ushtruar në vilën ku qëndronin, efektivët e policisë gjetën dhe sekuestruan një armë zjarri pistoletë, si dhe një sasi lënde narkotike, e dyshuar kanabis sativa.
Në momentin e arrestimit të këtyre shtetasve u kap dhe u arrestua në flagrancë, për veprën penale “Përkrahja e autorit të krimit”, shtetasi Redjon Rexhmati, 28 vjeç, banues në Tiranë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
