Luan Baçi nuk e cilëson ultimatum afatin që Komisioni i Rithemelimit i ka lënë kryetarit Basha për tu larguar nga drejtimi i PD. Në studion e lajmeve në MCN, Baçi tha se vendimi i anëtarësisë është legjitim dhe i padiskutueshëm.
Nuk është ultimatum, është thjesht kujtesë që i bëhet deputetit Basha që nuk arrin të kuptojë vendimet që merr një organ. Që nga 11 dhjetori, Basha është thjesht deputeti Basha. Vendimi i 11 dhjetorit, i mirë apo i keq, i drejtë apo i padrejtë është marrë nga anëtarësia. Do të shpresoja që Basha të bashkohet me demokratët. Nga kryetar e kanë larguar kuvendi dhe anëtarësia.
Nuk është ngjarje e jashtëzakonshme të ikësh nga kryetar. Nuk u bë analizë, nuk pati reagim pas 25 prillit. Zoti Basha mban përgjegjësi të rëndë.
Basha duhet tu bëjë thirrje demokratëve të vijnë te PD. Demokratët janë të bashkuar dhe kanë një mendim: PD duhet të riformatohet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
