Lëvizja Vetëvendosje ka dorëzuar në Gjykatën Kushtetuese vendimin e presidentit Hashim Thaçi për dekretim të Avdullah Hotit për kryeministër të Kosovës.
Deputeti i VV, Rexhep Selimi, bashkë me Arbërie Nagavcin, kanë dorëzuar në Gjykatën Kushtetuese kërkesën për vlerësimin e kushtetushmërisë së dekretit me të cilin presidenti Thaçi ia ka propozuar Kuvendit të Kosovës, Avdullah Hotin, për kryeministër.
“Sapo dorëzuam në Gjykatën Kushtetuese kërkesën për vlerësimin e Kushtetushmërisë të dekretit të presidnetit që e bëri publik para pak kohe”, ka thënë Selimi.
Sipas tij një dekret i tillë i presidentit është shkelje Kushtetutese.
“Me këtë dekret presidenti ka vazhduar ta shkelë Kushtetutën dhe si të tillë e kemi dërguar në Gjykatën Kushtetuese”, ka shtuar ai.
Selimi ka thënë se Thaçi me qëllim ka publikuar një dekret të tillë të enjtën, meqë nesër është festë dhe administrate e Kushtetueses nuk punon.
“Presidenti është kujdesur që qoftë Gjykatën Kushtetuese qoftë administratën ta zëjë të pushuar si pasojë e festës zyrtare dhe vikendit”, ka potencuar Selimi.
Nagavci ka treguar se gjithashtu kanë kërkuar nga Gjykata Kushtetuese për vendosjen e masës së përkohshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
