Papa Françesku do të udhëtojë në Irak në Mars 2021.
Ky ka qënë njoftimi zyrtar që është komunikuar ditën e sotme nga zyra e shtypit në Vatikan.
Kjo vizitë në vendin e shkatërruar nga lufta është udhëtimi i tij i parë jashtë Italisë që kur filloi pandemia e koronavirusit.
Papa Françeku është i vendosur të vizitojë Bagdadin, i lidhur ngushtë me historinë e Abrahamit, qytetit të Erbilit, si dhe Mosul dhe Qaraqosh në fushën e Nineveh.
Vizita e Papës në këto vende do të zhvillohet në datat 5-8m mars të vitit 2021.
"Programi i udhëtimit do të bëhet i njohur në kohën e duhur dhe do të marrë në konsideratë evolucionin e urgjencës shëndetësore në të gjithë botën", thuhet në njoftimin zyrtar.
Ndërkohë që ministria e Jashtme e Irakut tha se vizita e Papës përfaqëson një ngjarje historike dhe mbështetje për të gjithë Irakianët e të gjithë sektorëve.
"Ai gjithashtu përfaqëson një mesazh paqeje për Irakun dhe rajonin si një i tërë, afirmon unitetin e pozitës humanitare në përballjen me ekstremizmin dhe konfliktet dhe promovon diversitetin dhe tolerancën. Dhe bashkëjetesën", tha ministria në një deklaratë.
Rreth 1% e popullsisë së Irakut është e krishterë.
Vendi ka parë një eksod të të krishterëve në dekadat e fundit, ndërsa Iraku ishte përfshirë nga ciklet e dhunës, duke përfshirë ngritjen e ISIS.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
