Parlamenti mblidhet sërish pasditen e sotme në seancë të jashtëzakonshme për të votuar kandidatët për dy komisionet e reja ad-hoc, që përzgjedhin anëtarët e organeve të vetingut.
Njëri prej komisioneve do të ketë 12 anëtarë dhe tjetri 6 anëtarë, gjysma prej të cilëve propozohen nga maxhoranca dhe gjysma nga opozita.
Pritet që maxhoranca të votojë 9 anëtarët e saj, pasi opozita nuk do të jetë e pranishme.
PS dhe LSI ende nuk kanë dorëzuar propozime e tyre, ndërsa mësohet se PDIU ka propozuar Mesila Dodën dhe Tahir Muhedinin.
Ndërkohë nesër Kuvendi mblidhet sërish për të zhvilluar raundin e parë për zgjedhjen e Presidentit të ri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
