Procesi i zgjerimit të Bashkimit Evropian nuk pritet të jetë temë e samitit të BE-së brenda këtij muaji. Zgjerimi nuk është parashikuar si temë në mbledhjet që do të zhvillohen të enjten dhe të premten në Bruksel, ndërsa edhe në takimin e së martës të Këshillit të Çështjeve të Përgjithshme është kategorizuar në “çështje të tjera”.
Siç bën të ditur REL, e cila i referohet një diplomati të lartë të BE-së, arsyeja për këtë mospërfshirje është axhenda e ngjeshur dhe mungesa e progresit në miratimin e kornizave negociuese, për hapjen e negociatave të anëtarësimit me Maqedoninë e Veriut dhe Shqipërinë.
“Si pasojë e bllokadës së vendimit për Maqedoninë e Veriut, që Bullgaria e ka bërë për shkak të çështjeve bilaterale historike, që nuk kanë vend në procesin e zgjerimit, nuk kemi mundur të vendosim as për Shqipërinë, sepse disa shtete kanë insistuar se, nëse nuk ka vendim për Maqedoninë e Veriut, nuk mund të vendosim as për Shqipërinë”, citohet diplomati i lartë evropian.
I njëjti burim thotë se nuk pritet ndonjë kthesë pozitive në momentin e fundit, pra para përfundimit të presidencës gjermane më 31 dhjetor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
