Rreshteri rus Vadim Shishimarin, u gjykua në Kiev për krime lufte dhe vrasje me paramendim të një civili 62-vjeçar të paarmatosur në rajonin Sumy në fillim të pushtimit. Raportohet se 21-vjeçari i kërkoi falje në gjykatë.
“E di që nuk do të mund të më falësh, por gjithsesi kërkoj falje”, tha ushtari nga kafazi i të pandehurit në rusisht, duke iu drejtuar gruas së burrit që ai pranoi se e kishte vrarë.
Në dëshminë e tij, i pandehuri ka rrëfyer me detaje se si e ka qëlluar burrin me biçikletë. Rreshteri Shishimarin tha se fillimisht nuk pranoi të qëllonte, por u urdhërua dhe u kërcënua nga një ushtar tjetër.
Kateryna Shelipova, e veja e burrit të vrarë tha: "Burri im punonte si traktorist, ne nuk kishim armë. Ai ishte në civil. Me burrin humba gjithçka, ai ishte mbrojtësi im”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
