Nicolas Maduro u betua ditën e sotme si President i Venezuelës për periudhën 2025-2031, me një akt zyrtar në selinë e Asamblesë Kombëtare.
Maduro u zotua të zbatojë të gjitha detyrimet e Kushtetutës dhe premtoi se ky mandat i ri presidencial “do të jetë i paqes, prosperitetit dhe demokracisë së re”.
Ai u betua mbi një kopje origjinale të Kushtetutës aktuale, të nënshkruar nga Hugo Chavez, themeluesi i të ashtuquajturit revolucion bolivar.
Pak çaste më vonë atij iu dorëzua brezi presidencial duke marrë mandatin e tretë si President.
Televizioni shtetëror, i cili transmetoi ceremoninë drejtpërdrejt dhe në mediat e hapura dhe dixhitale, tregoi imazhe të një grushti mbështetësish Chavist të mbledhur rreth pallatit legjislativ në Karakas, nën masa të rrepta sigurie ushtarake dhe policore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
