Presidenti ukrainas, Petro Porohsenko, mblodhi me urgjencë Këshillin Kombëtar të Sigurisë dhe Mbrojtjes në Kiev, për t’i kërkuar Parlamentit të shpallë gjendjen e jashtëzakonshme, pas incidentit në ngushticën Kerç midis Detit të Zi dhe detit Azov.
Gjatë incidentit në fjalë, forcat ruse qëlluan me armë dhe u plagosën marinarë ukrainas dhe sekuestruan tre anije ushtarake të Ukrainës.
Incidenti u pasua me një protestë në Kiev, ku u dogjën disa makina përpara ambasadës ruse.
Poroshenko tha se shpallja e gjendjes së jashtëzakonshme nuk do të thotë "deklaratë lufte".
"Ukraina nuk ka në plan për të bërë luftë me askënd", tha ai, duke e quajtur incidentin e djeshëm të paprovokuar. Megjithatë, Ministria e Mbrojtjes njoftoi se ka lëshuar një urdhër për t'i vënë forcat e armatosura nën një alarm operativ.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
