Alexey Vadatursky, themeluesi dhe pronari i “Nibulon”, kompania më e madhe e tregtimit të drithërave në Ukrainë, dyshohet se ka mbetur i vrarë në shtëpinë e tij gjatë bombardimit të forcave ruse në Mykolaiv, mbrëmjen e së shtunës.
Një bombë e lëshuar nga rusët raportohet se ka goditur shtëpinë e Vadatursky, i cili gjeti vdekjen e menjëhershme së bashku me gruan e tij, raportojnë mediat ndërkombëtare
Vadatursky, 74 vjeç, një nga menaxherët më të njohur në botën e biznesit të Kievit, pak kohë më parë kishte marrë edhe titullin “Hero i Ukrainës”.
Përveç Mykolaiv, ku u shënuan bombardimet më të rëndat në 5 muajt e fundit, sipas dëshmitarëve mbrëmë dhe në orët e para të mëngjesit rusët kryen sulme artilerie në rajonet e Dnipropetrovsk, Kharkiv, Luhansk dhe Donetsk, dhe Sumy.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
