Vrasja e komisarit Dritan Lamaj, Strasburgu: Çështja ndaj Frrokut duhet të rishqyrtohet  

<p>Gjykata e Strasburgut ka pranuar kërkesën e Arben Frrokut për rigjykim. Frroku është dënuar me burgim të përjetshëm për vrasjen e komisarit Dritan Lamaj.</p> <p>Ai ndodhet në burg në Holandë, e cila e ka refuzuar ekstradimin e tij.</p> <p>Frroku u shpall i pafajshëm në shkallën e parë të Krimeve të Rënda, por Apeli e hodhi poshtë këtë vendim, duke e dënuar me burgim të përjetshëm.</p> <p><a href="https://hudoc.echr.coe.int/eng#{%22itemid%22:[%22001-191073%22]}">Vendimi i Gjykatës Europiane për të Drejtat e Njeriut</a> i jep të drejtën Frrokut t’i drejtohet Gjykatës Kushtetuese për rigjykim.</p> <p>Gjykata Europiane vlerëson se procesi ndaj Frrokut ka pasur shkelje të të drejtave të njeriut, por rrëzoi kërkesën e tij dëmshpërblim 50 mijë euro dhe kompensim shpenzimesh 10 mijë euro.</p> <p>Sipas vendimit, në rastin e Arben Frrokut është shkelur neni 6, pika 1 e Konventës së të Drejtave të Njeriut, në lidhje me të drejtën e ankuesit për një vendim të arsyetuar nga Gjykata Kushtetuese.</p> <p>Ish-shefi i Komisariatit të Kombinatit, Dritan Lamaj, u ekzekutua pasditen e 24 shkurtit 2013 pranë banesës së tij. &nbsp;</p> <p>&nbsp;</p>