Presidenti i Turqisë, Rexhep Taip Erdogan, ka bërë thirrje për një armëpushim të menjëhershëm midis Izraelit dhe Hamasit, duke thënë se "krime kundër njerëzimit" po kryhen në Gaza.
Presidenti i Turqisë merr pjesë në Samitin e 10-të të Këshillit të Kryetarëve të Shteteve të Organizatës së Shteteve Turke, në Astana më 3 nëntor.
Erdogan ka mbështetur fuqishëm palestinezët përballë luftës së Izraelit me Hamasin, duke marrë pjesë në mitingje pro-palestineze dhe duke u pozicionuar si ndërmjetës që nga fillimi i luftës më 7 tetor.
“Nuk ka asnjë koncept që mund të shpjegojë apo justifikojë brutalitetin që kemi dëshmuar që nga 7 tetori. Për ta thënë troç: krime kundër njerëzimit janë kryer në Gaza për saktësisht 28 ditë”, tha Erdogan gjatë një samiti të shteteve turke në kryeqytetin e Kazakistanit, Astana.
“Prioriteti ynë është të vendosim shpejt një armëpushim humanitar”, tha ai, duke shtuar se Turqia po punonte për “mekanizma të rinj që do të garantojnë sigurinë e të gjithëve, pavarësisht nëse janë myslimanë, të krishterë apo hebrenj.
"Përpjekjet tona për të hedhur bazat për një konferencë ndërkombëtare të paqes vazhdojnë," tha ai, pa dhënë detaje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
