“Shqipëria buzëqesh”! Kjo është moto e zgjedhur nga ana e Kryeministrit të Shqipërisë Edi Rama për procesin e nisjes së vaksinimit anti-Covid në vendin tonë. Sot është dita e lajmëruar nga vetë kreu i qeverisë, ndërsa procesi pritet të fillojë gjatë orëve të pasdites ndërsa do të zhvillohet në stadiumin “Air Albania”.
Në një video të përmbledhjes së luftës 1-vjeçare me Covid-19, kryeministri shkruan se nis faza e ofensivës së madhe për largimin e virusit nga jeta jonë.
“Mirëmëngjes! Dhe pak orë nga nisja e fushatës së vaksinimit ‘ShqipëriaBuzëqesh’ duke ju marrë pak minuta nga koha juaj, për të hedhur vështrimin pas në orët, minutat, ditët, javët e muajt e jashtëzakonshëm të luftës me Armikun e Padukshëm, e cila sot hyn në fazën e ofensivës së madhe për largimin e tij përfundimtar nga jeta jonë, ju uroj një javë të mbarë”, shkruan Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
