Sekretari i Përgjithshëm i OKB-së, António Guterres dënoi shpërthimin vdekjeprurës në një spital në Gaza, ndërsa fliste të mërkurën në Forumin Brez dhe Rrugë në Pekin, Kinë.
Guterres tha se ishte "i tmerruar" nga qindra njerëz të vrarë pas shpërthimit të martën dhe bëri thirrje për një armëpushim të menjëhershëm humanitar në rajon.
Unë jam plotësisht i vetëdijshëm për ankesat e thella të popullit palestinez pas 56 vitesh okupim, por sado serioze të jenë këto ankesa, ato nuk mund të justifikojnë aktet e terrorit kundër civilëve të kryera nga Hamasi më 7 tetor, të cilat unë i dënova menjëherë. Por ato sulme nuk mund të justifikojnë ndëshkimin kolektiv të popullit palestinez.
Guterres theksoi se spitalet së bashku me klinikat, personelin mjekësor dhe ambientet e OKB-së mbrohen sipas ligjit ndërkombëtar, sipas një deklarate nga zëdhënësi i OKB-së, Stephane Dujarric.
Sekretari i Përgjithshëm dënoi gjithashtu sulmin ndaj një shkolle të UNRWA në kampin e refugjatëve Al-Maghazi në Gaza të martën, ku u vranë të paktën gjashtë persona, thuhet në deklaratë.
“Sekretari i Përgjithshëm shpreh ngushëllimet e tij të sinqerta për familjet e viktimave dhe uron shërim të shpejtë të plagosurve”, thuhet në deklaratë.
Guterres pritet të udhëtojë në Egjipt më vonë këtë javë ku do të takohet me presidentin Abdel Fattah el-Sisi dhe të tjerë për situatën në rajon, sipas Dujarric.
Guterres ka apeluar më parë për lirimin e pengjeve që mbahen nga Hamasi në Gaza dhe për lejimin e ndihmës ndërkombëtare në enklavë. Të mërkurën, ai tha se këto kërkesa nuk janë "pazare", por "thjesht gjëja e duhur për të bërë".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
