Sipas gazetarit Artan Hoxha Shqipëria ka dhënë garanci tashmë është kthyer në bazë operacionale për trafikun e drogës. Gazetari tha në emisionin “Të Paekspozuarit” në MCN TV se portet kryesore për zbarkim janë në Holandë dhe Belgjikë, por nëse nuk arrin të çashë tregun aty duhet të keshë një bazë të sigurt.
“Sot grupet tona të krimit të organizuar nisur edhe nga precedentët konkretë përdorin përgjithësisht dy linja. Njëra linjë është zbarkimi afër tregut që të ulësh kostot dhe tregu sot është BE. Portet kryesore për zbarkim janë në Holandë dhe Belgjikë. Nëse arrin të çashë rrjetin aty e ke fitimin më të madh, por nëse kur nuk arrin dot mundohet të krijosh bazë të sigurt ku ke garanci dhe Shqipëria ka dhënë garanci që mund të kthehet në bazë operacionale. Tashmë është bazë operacionale. Nuk jemi si organizatat italiane që janë profesorët e kësaj punë. Ata shquhen për guximin sepse nuk e vlerësojnë jetën. Ajo që na bën ne sot faktor në mendiat ndërkombëtare është se jemi në burim”, tha Hoxha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
