Gjatë vizitës në Tiranë, raporteri për Shqipërinë në Parlamentin Europian, Knut Fleckenstein, theksoi se nuk ka kushte shtesë ndaj Shqipërisë në lidhje me çeljen e negociatave për anëtarësimin në BE.
“Nuk shoh kushte shtesë. Kemi folur për zgjedhjet dhe pesë prioritetet kyçe dhe faktin që ato duhet të zbatohen. Nuk do të ishte e drejtë të shtojmë kushte të tjera për çeljen e negociatave”, tha ai në një konferencë me mediat paraditen e sotme.
Fleckenstein dha edhe një parashikim për kohën kur do të nisin negociatat.
"Nuk duhet të harrojmë se përgjegjësia për marrjen e vendimit për çeljen e negociatave është e Këshillit dhe jo e Parlamentit Europian. Ne do të vazhdojmë të punojmë që rekomandimi të mund të merret në mars dhe pastaj të vijojnë procedurat në qershor”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
