BE paraqet propozimet për sanksione të reja kundër Rusisë

Presidentja e Komisionit Evropian Ursula von der Leyen ka paraqitur propozime për sanksione të reja që synojnë ekonominë e Rusisë.

Në një deklaratë, ajo akuzoi Moskën për "një luftë mizore dhe të pamëshirshme" dhe tha se mizoritë e supozuara të saj në Ukrainë "nuk mund dhe nuk do të lihen pa përgjigje".

Gjashtë masat e saj përfshijnë:

-Ndalimi i importit të qymyrit nga Rusia

-Një ndalim i plotë i transaksioneve në katër banka kryesore ruse, mes tyre e dyta më e madhe e vendit, VTB

-Një ndalim për anijet ruse për të hyrë në portet e BE-së

-Ndalime të mëtejshme të eksporteve, duke synuar zonat në të cilat Rusia është e cenueshme, siç janë pajisjet e transportit

-Ndalime të reja importi për produkte duke përfshirë ushqimet e detit, pijet alkoolike dhe drurin

-Masa shtesë të synuara që përfshijnë ndalimin e mbështetjes financiare për organet publike ruse

-Planet kërkojnë miratimin e 27 vendeve anëtare të BE-së.

Më parë, ka pasur ndarje brenda BE-së për veprimet që duhet ndërmarrë kundër Rusisë, me vende si Gjermania që varen shumë nga importet e karburanteve ruse.

Nga ana e saj, Moska vazhdon të mohojë çdo përfshirje në krimet e supozuara të luftës në Bucha dhe gjetkë.