SHBA po planifikon të dërgojë raketa të mbrojtjes ajrore Patriot në Ukrainë, raportojnë mediat amerikane. Presidenti Joe Biden ka të ngjarë të njoftojë masën këtë javë, bëjnë me dije zyrtarë që nuk kanë preferuar të identifikohen.
Ukraina ka kërkuar mbështetje të mëtejshme të mbrojtjes ajrore prej disa kohësh, pasi sulmet ruse kanë vazhduar të vrasin civilë dhe të shkaktojnë ndërprerje të mëdha të energjisë elektrike.
“Patriot” është një nga sistemet më të avancuara të mbrojtjes ajrore amerikane, por furnizimet në Ukrainë ka të ngjarë të jenë të kufizuara.
Pasi të miratohet masa, sistemet ka të ngjarë të dërgohen në ditët në vijim, me ushtarë ukrainas të trajnuar për t'i përdorur ato në një bazë të ushtrisë amerikane në Grafenwoehr, Gjermani.
Sistemi Patriot do të ishte një objektiv legjitim për sulmet ruse, tha Kremlini të mërkurën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
