Supermarketet në Britaninë e Madhe kufizojnë blerjen e vajit të gatimit pas furnizimeve të goditura nga lufta në Ukrainë.
Pjesa më e madhe e vajit të lulediellit në Mbretërinë e Bashkuar vjen nga Ukraina, gjë që ka rezultuar në kufizime që zbatohen për blerjen e tij, në disa supermarkete.
Tesco deklaroi se po lejon tre artikuj për klient, ndërsa Waitrose dhe Morrisons kanë vendosur kufizime prej vetëm dy artikujsh secili.
Kufizimi i sasisë së blerjes bëhet për t’u siguruar që të gjithë klientët të mund të vazhdojnë të marrin atë që u nevojitet, raporton Sky.
Çmimi i vajrave të gatimit është rritur me 7% dhe është gati një çerek më i shtrenjtë se një vit më parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
