Partia Demokratike publikoi sot një dokument të ri, që tregon sipas saj arrestimin dhe dëbimin e përsëritur të Mark Babanit, kryebashkiakut të Vaut të Dejës.
Në një deklaratë para mediave, sekretari i Përgjithshëm i PD, Gazment Bardhi, tha se Babani rezulton i arrestuar në vitin 1996 në Itali me emrin Fatmir Babaj.
“Partia Demokratike ka siguruar dokumente të tjera, që provojnë përtej çdo dyshimi se përfaqësuesi i Edi Ramës në Vaun e Dejës është një kriminel dhe si i tillë duhet të ndëshkohet sipas ligjit. Përveç dokumentit për arrestimin në 1994-ën me një emër tjetër, dënimin, burgosjen dhe dëbimin nga Italia për vjedhjen e makinave në Siçili nga Mark Babani, Partia Demokratike disponon dokumenta që Mark Babani ka përdorur një identitet tjetër të rremë për të hyrë në Itali 2 vjet më vonë, në 1996-ën. Dokumenti që po paraqesim, që gjithashtu është nxjerr nga sistemi shtetëror i burgjeve në Itali, ka një element plus, të cilin Mark Babani nuk mund ta mohojë. Në këtë dokument është fotografia e tij me emrin Fatmir Babaj. Në vitin 1996, me këtë identet të rremë, krimineli i Edi Ramës në Vaun e Dejës, ka tentuar të hyjë në Itali, pasi ishte dëbuar për vjedhjen e makinave, por është arrestuar sërish nga policia italiane”, tha Bardhi.
Sipas PD-së, fotoja në sistemin italian të burgjeve, provon se Fatmir Babaj i vitit 1996, është i njëjti me Marq Babaj e vitit 1994, dhe ekzaktësisht i njëjti person me kryebashkiakun e Vaut të Dejës, i dalë nga zgjedhjet e 30 qershorit.
Në emër të selisë blu, Bardhi kërkoi procedimin penal të menjëhershëm të Babanit për falsifikimin e formularit të dekriminalizimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
