Kosova do vendosë masa reciprociteti me Serbinë? (VIDEO)

Qeveria e Kosovës po sheh mundësine e përshkallëzimit të masave ndaj Serbisë. Kështu, pas taksës 100%, prishtina mund të vendosë masa reciprociteti ndaj Beogradit, cka nënkupton ndalimin e makinave me targa serbe, apo mosnjohja e dokumenteve serbe.

Pas vendosjes së taksës 100% për mallrat serbe, qeveria e Kosovës ka paralajmëruar ashpërsim të masave kundër Serbisë. Këtë herë bëhet fjalë për ndalimin e hyrjeve të automjeteve me targa të Serbisë, duke vendosur procedurën e njëjtë që Serbia aplikon për targat e Kosovës. Vendimi tjetër do të jetë mosnjohja e dokumenteve të Serbisë, njësoj siç nuk i pranon Serbia dokumentet e Kosovës, të cilat kanë të bëjnë me cilësinë e produkteve dhe dokumente të tjera. Këto tre masa janë bërë të ditura nga Haki Shatri, këshilltari për ekonomi i kryeministrit të Kosovës, Ramush Haradinaj I cili pohoi se pavarësisht se këto janë në fazë diskutimesh.

 “Në mbledhjen e Qeverisë që është të marten nuk ka të papritura një gjë të tillë vetëm nëse vendoset diçka si e jashtëzakonshëm. Është fjala për tri masa që janë të një natyre të ngjashme me 100-përqindëshin e që lidhen me pranimin ose mos pranimin e dokumenteve, të njëjta dokumente që Serbia nuk i njeh nga Kosova, pastaj si masë tjetër është ndalimi i hyrjes së automjeteve me targa të Serbisë, e cila aplikohet për veturat e qytetarëve nga Kosova si dhe një masë ka të bëjë me regjistrimin e kompanive të huaja që furnizojnë Kosovën nga Serbia. Tani 18 vjet Serbia nuk njeh dokumentet, targat e veturave dhe certifikatat e ndryshme që lëshohen nga autoritetet tona”.

Edhë pse vendosja e tarifës për mallrat Serbe dhe të Bosnjë Hercegovinës u kundërshtua tepër nga ndërkombëtarët të cilët bën thirrje për tu tërhequr nga ky vendim, deri tani autoritetet nga Prishtina zyrtare nuk janë zbrapsur. Ndërkohë sipas Beogradit e vetmja mënyrë për dialog është heqja e taksës, fakt që nuk pranohet nga Haradinaj, I cili më herët ka deklaruar se nuk ka heqje të tarifës pa u njohur pavarësis e Kosovës. Sakaq ky vendim ka ndikuar në ngritjen e ccmimeve në kosovë, por përpos kësaj përfaqësues të bizneseve të cilët dolën në përkrahje të Qeverisë së Kosovës pasi ata vazhdimisht ishin përballur me mosnjohjen nga Serbia të dokumenteve.