142 raste të reja janë regjistruar në Kosovë në 24 orët e fundit, është bërë e ditur nga drejtori i Institutit Kombëtar të Shëndetësisë Publike, Naser Ramadani. Ai ka njoftuar se sot janë testuar 485 mostra që janë marrë nga SHSKUK-ja dhe gjurmimi i rasteve të kontaktit.
Rastet pozitive janë nga: komuna Prishtinë 47 raste, komuna Gjilan 13 raste, komuna Mitrovicë 12 raste, komuna Gjakovë 9 raste, komuna Vushtrri 9 raste, komuna Drenas 7 raste, komuna Podujevë 6 raste, komuna Fushë Kosovë 5 raste, komuna Lipjan 4 raste, komuna Viti 4 raste, komuna Pejë 3 raste, komuna Prizren 3 raste, komuna Skenderaj 3 raste, komuna Rahovec 3 raste, komuna Suharekë 3 raste, komuna Dragash 2 raste, komuna Kamenicë 2 raste, komuna Obiliq 2 raste dhe me nga 1 rast komunat: Deçan, Klinë, Malishevë, Shtime dhe Zveçan.
Ramadani ka bërë me dije se në 24 orët e fundit janë regjistruar katër raste të vdekjes, të cilët kanë pasur edhe sëmundje të tjera shoqëruese.
Ai ka njoftuar edhe për shërimin e 101 pacientëve, duke bërë kështu që numri total i të shëruarve të shkojë në 3 mijë e 69.
Ministri i Shëndetësisë, Armend Zemaj të hënën ka vizituar Gjilanin.
Në po këtë konferencë, ai e ka shpalosur përbërjen e Bordit 11-anëtarësh Këshilldhënës për Luftimin e COVID-19. Kryesues, si është bërë e ditur më herët, është caktuar mikrobiologu Lul Raka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
