Parlamenti i Shqipërisë do të mblidhet sërish të hënën e 13 shtatorit në orën 17:00, me urdhër të Kryetares së re të Kuvendit, Lindita Nikolla .
Në seancën e tretë plenare për këtë legjislaturë, do të zgjedhën organet drejtuese të Kuvendit, ku në rendin e ditës, do të jenë gjashtë pika.
Katër më të rëndësishmet, përkojnë me projektvendimet për zgjedhjen e Byrosë, përbërjen e Sekretariateve të Kuvendit dhe caktimin e Komisioneve Parlamentare.
Përkatësisht, do të caktohen kryesitë e Komisioneve të Përhershme Parlamentare. Do të përcaktohen edhe përbërjet e këtyre komisioneve të përhershme. Ndërkaq, do të ketë edhe përcaktim të anëtarëve përkatës, të cilët do të jenë pjesë e punimeve të komisioneve në Kuvend.
Kuvendi i Shqipërisë u mblodh dje për herë të parë për Legjislaturën e X-të, duke zgjedhur Lindita Nikollën si kryetare me 79 vota pro dhe 4 kundër nga 140 deputetë të pranishëm në sallë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
