Miss Universe, Spanja do të përfaqësohet me një bukuroshe që ka lindur mashkull

Një 26-vjeçare nga Sevilja do të përfaqësojë Spanjën në Miss Universe. Por e veçanta e Angela Ponces është se ka lindur djalë.

Ponce do të garojë për Spanjën në konkursin që mbahet këtë vit në Filipine.

Në vitin 2012, Miss Universe njoftoi se do të lejonte transgjinorët të merrnin pjesë në garë.

Kjo erdhi pasi transgjinorja kanadeze, Jenna Talackova, fitoi gjyqin me organizatorët e konkursit në Kanada, të cilët e kishin skualifikuar pikërisht për identitetin e saj seksual.   

Angela është 191 cm e gjatë.

Ajo është zgjedhur Miss Universe Spanja në të njëjtën kohë që në vendin e saj mbahej parada e komunitetit LGBT.

Ajo thotë se e ka kuptuar që ndihej femër kur ishte vetëm 3 vjeçe.