Zogaj: Të gjithë politikanët në botë kur janë dënuar me prova kanë thënë që procesi është politik.

<p>Analisti Preç Zogaj thotë se SPAK ka tejkaluar punën e çdo organi akuze të deritanishme. Lidhur me çështjen ndaj ish-kryeministrit Berisha, Zogaj tha se ky është rasti që i jep mundësi publikut të shikojë sa vërtetësi ka.</p> <blockquote> <p><em>Ngeli në hetim në gjendjen e arrestit shtëpiak sepse sfidoi drejtësinë. Sali Berishës iu dha mundësia të shkonte në prokurori, të jepte përgjigje, të kthehej në Parlament. </em></p> <p><em>Akuza është akuzë. SPAK mendon se ka prova dhe njofton për këtë. Kjo është një çështje që shkon në gjykatë. Nëse nuk mbyllet që në hapin e parë do të ndjekë shkallë të tjera. </em></p> <p><em>Radhën nuk ia përcaktojmë dot SPAK-ut. Ka një bilanc që nuk e kanë pasur të tjerët. Ka arritur deri në nivel zv.kryeministrash. </em></p> <p><em>Mendoj se askush nuk i ka lexuar 500 faqet e SPAK-ut. Edhe ne do japim mendime duke parë prova. Kjo i jep mundësi publikut të shikojë sa ka vërtetësi. Nuk ka gjë të re, të gjithë politikanët në botë kur janë dënuar me prova kanë thënë që procesi është politik. </em></p> </blockquote>